kontaktua
2018.07.19

Durangoko Azokak Sormen bekarako deialdia egin dau

Durangoko Azokak Sormen beka bat atera dau aurten, literatura arloan gazteei bidea egiten laguntzeko. Horregaitik deia hiru lan baino gitxiago argitaratu daben sortzaile barrientzako da. Egitasmoak banaka zein taldean aurkeztu daitekez, irailaren 21era arteko epean. Beka bakarra da eta bera 15.000 eurokoa.

Lanak epaitzeko orduan hainbat erezpide hartuko dira kontuan: proiektuaren kalidadea eta gaiaren tratamenduak sortu leiken interesa (% 45), gaitasun barritzailea eta originaltasuna (% 20) eta proiektuaren zabalkunderako ahalmena (% 15). Horrezaz ganera, beset erezpide honeek be kontuan hartuko dira: zenbateraino sustatzen diran kultur artekotasuna, genero-bardintasuna, integrazinoa, diziplinarteko izakerea eta komunikazino teknologien erabilerea (% 10); eta aurrez aurreko proiektua defendidutea (% 10).

Esatekoak 0
Ikusita: 100
2018.07.13

Liburubila atarian liburu, irudi, audio eta gura dozun guztia

Eusko Jaurlaritzak liburubila.eus ataria aurkeztu barri dau, orain arte beste bide batzutatik eskaintzen ebazan zerbitzuak bateratzeko. Orain atari bakar baten egongo dira eskuratzeko moduan liburuak, bideoak, audioak, dokumentuak…

Atari horretan hainbat informazino bilatu daiteke, eta batzutan informazinoa ez eze, prestamo-eskaria be egiteko modua be badago. Izan be, liburutegien sarea, eLiburutegia eta liburuKlik atarietako datu guztietara dago sarbidea.

Gero eta errazagoa da liburuen ganeko informazinoa aurkitzea eta liburuak eurak eskuratzea be. Zerbitzu ederra benetan.

Esatekoak 0
Ikusita: 128
2018.07.06

Bertso udalekuak 2018

Udan gaztetxu asko joaten dira udalekuetara. Horreetarikoak dira Bertsozale Elkarteak eratzen dituenak 9 eta 18 urte bitarteko gazteentzat.

Garagarrilaren 7an hasi eta abuztuaren azkenera arte, hainbat txanda egingo dira, euskal lurralde guztietan zehar.

Udalekuon bitartez, bertsotarako zaletasuna bultzatzeaz ganera, astialdian euskereagaz disfrutatzeko aukerea eukiko dabe gazteok. Lurralde guztietakoak nahastean egoten diranez, aberasgarria da guztiz eurentzat, hartu-emonetarako, hizkuntza eredu ugarirako…

Ganera, begiraleez ganera, bertsolari ezagunak be egongo dira eurakaz, eta bertso-afaria egingo dabe bertsolari hasibarriek eta beteranoek.

Esatekoak 0
Ikusita: 106
2018.06.29

Sanpedroak Bizkaian

San Pedro ospatzen dogu bagilaren 29an, sanpedroak. Bizkaian hainbat herritan murgilduko dira asteburuan eta hurrengo egunetan jai-ospakizunetan: Mungia, Sopela, Muskiz, Dima, Arantzazu, Berriz…

Danetan Lekeitio nabarmenduko dogu. Izan be, Lekeitioko jai nagusiak sanantolinak badira be, San Pedro egunez jai berezia egiten dabe. Hasteko, mezea eta prozesinoa santua lepoan hartuta bere irudia dagoan lekuraino; kilin-kala deritzon ohitura, santua itxasora botateko itxurea; eta kaxarranka, kofradiako kaxaren ganean egiten dan dantzea.

Kaxarrankak kofradiako presidentea aldatzeko ohituran ei dauka jatorria. Kofradiako ondasunak presidente zaharraren etxetik barriarenera eroatea esan gura dau antza. Kutxa marinel talde batek daroa lepoan hartuta, eta ganean dantzari batek banderea eskuan dala eta fracez jantzita, dantza egiten dau santuaren aurrean eta kofradiako presidentearen etxe aurrean.

Esatekoak 0
Ikusita: 116
2018.06.22

Amattoren uzta klasikoa app baten

Amattoren uzta 1934an argitaratu zan lehenengoz. Mayi Ariztiak batutako herri-ipuinen bilduma bat da, eta harrezkero beste edizino batzuk izan ditu. Orain, ostera, aplikazino baten bitartez liburu horretako hiru ipuini bizia emon deutsie Galtzagorri Elkarteak egindako proiektuaren bitartez.

“Hartzkumeren istorioa”, abentura grafiko bihurtu dabe. “Gameluaren istorioa” dalakoari 360 graduko diseinua emon deutsie eta hirugarrenak, “Arttoren istorioa”-k, animazinoa eta interaktibidadea ditu. Ipuinak irakurri ez eze, eurakaz olgau eta esperimentau leikie neska-mutilek, baita istorioak entzun be.

Aplikazinoa 8 eta 12 urte bitarteko umeentzat da, baina helduagoek be gustura erabilteko modukoa ei da. Gazte zein heldu, liburuko istorioak bizitzeko modu barri bat eskaini nahi deutse app barriaren irakurleari. Tablet eta ordenagailuan be bizi leitekeen arren, kartoizko edo plastikozko betaurreko batzuk eskuratu eta sakeleko telefonoan ikustea gomendatu dabe, irakurleak leku eta objektu horren artean dagoala sentidu deian.

Esatekoak 0
Ikusita: 118