kontaktua
2014.01.24

Programa zabala eta ugaria Foru Liburutegian 2014an

Bizkaiko Foru Aldundiko Liburutegiak 2014ko programa aurkeztu dau, zezeiletik abendura bitartekoa. Era askotako ekintzak programatu dabez.

Tailerrak: Komikiaren munduko hastapena, Dani Maiz (euskeraz) eta Iñigo Estebanen eskutik; Literatura creativa, Enrique Perezegaz; eta, Mujeres y literatura, XIX. mendeko idazle iparamerrikarren ganean, Josune Muñozen zuzendaritzapean.

Irakurle klubak: Irakurle talde bi izango dira aurten be, bata euskeraz eta bestea gaztelaniaz. Ivan Repilak, Txani Rodriguezek eta Julen Gabiria dira gidariak. Literatureaz gozetako ekintzak prestauko ditue, irakurgaiak komentau, esatrerako. Horrezaz gan, hainbat literatura topaketa egingo dira, bai euskeraz bai gaztelaniaz.

Berbaldiak: Los cuentos encartados de Trueba liburuaren aurkezpena egingo dau Seve Callejak, maiatzean, eta Janire Estebanezek Te quiero pero no más que a mi vida izenburuakoa emongo dau.

Erakusketak: Hiru erakusketa egongo dira, lehenengoa, Literatura eta futbol jaialdia; bigarrena, Gorbeia, historia eta kultura; eta azkenengoa, Bizkaiko auzoko ikastolak (1920-2014).

Literatur lehiaketa: Bizkaidatz lehiaketa.

Esatekoak 0
Ikusita: 600
2014.01.17

Sarean gero eta bitarteko gehiago euskera ikasi eta erabilteko

Sarea euskera ikasteko eta lantzeko bitarteko gero eta ugariagoa eta praktikoagoa dogu. Zenbat hiztegi, corpus, bilatzaile, eredu, testu eta abar ez ete dagozan.

Eta oraindino ugaritzen doan arloa da. Oraintsu jarri dira agirian honeek, kasurako:

www.deklinabideapp.net, deklinabidea lantzeko, bai ordenagailu bidez bai telefono bidez.

www.hiztegitxoak.eu, hiztegia laburrak, euskeratik beste 35 hizkuntzatara eguneroko egoeretako berbak itzultzeko.

Teknologia euskeraren alde erabilteko modu ezin hobea da eta euskera beste hizkuntzen mailan jartzeko.

 

Esatekoak 0
Ikusita: 534
2014.01.10

Blogetan!

Azkue Fundazioak Blogetan! Euskal blogariak lehiarako deia egin dau, ARGIAgaz batera eratuta. Lehiaketaren helburua da, euskerazko edukiak sarean ugaritzea ezeze, blogari euskaldunen jarduera sustatzea eta onenak aukeratzea. Irabazleak aukeratzeko epaimahaiak eta internet bidez publikoak emondako eretxia hartuko dira kontuan.

Parte hartzeko euskaraz idatzitako blog bategaz izena emotea nahikoa da, horretarako martxan jarri daben Blogetan.com webgunean. Urtarrilaren 26 arte dago epea zabalik.

Lau kategoria ezarri dira:

• Kultura arloko blogak (zinema, literatura, artea, diseinua, moda, sukaldaritza,

gastronomia, enologia, musika …)

• Gizarte eta Politika arloa (kazetaritza, historia, humanitateak, ekonomia, hezkuntza,

zuzenbidea …)

• Aisialdiagaz zerikusia daukenak (zaletasunak, kirola, bidaiak …)

• Zientzia eta Teknologia (natura, osasuna, arkitektura , informatika…)

Guztira bost sari emongo dira, kategoria bakotxean bat, eta blogari barrienari beste bat, 2013an sortutako blog barri bateri emongo jakon saria.

 

Esatekoak 0
Ikusita: 532
2013.12.12

Euskararen Herri Hizkeren Atlasaren bosgarren liburukia

Euskaltzaindiak orain 30 bat urte hasitako lanak emaitzak emoten jarraitzen dau. Herri Hizkeren Atlasa egitasmo erraldoia da, baina apurka-apurka ikusgai dagoz emaitzak. Oraingoan bosgarren liburukia argitaratu dau Euskaltzaindiak, liburua eta CDa. Horrez ganera, aurreko laurak sarean dagoz ikusgai.

145 herritan ia hiru mila galderako inkestak eginda dagoz, lexikoaz, morfologiaz, fonetikaz eta sintaxiaz.

Datu guztiok aztertu eta atal horreek doaz argitaratzen, orain arte bost liburuko emaitza daukan sailean.

Behar handia da, itzela, baina guztiz interesgarri eta jakingarria gure hizkuntza finkatzen eta arautzen joateko.

 

Esatekoak 0
Ikusita: 808
2013.12.04

Bizkaiko Kultur Txartela Gabonetarako

Bizkaiko Foru Aldundiak kanpaina bi egingo ditu kulturako produktuen konsumoari laguntzeko: lehenengoa, Gabonetan, eta, hurrengoa, udabarrian. Bizkaiko Foru Aldundiak bostehun mila euro bideratuko ditu programa honetarako eta abenduaren 16an jarriko dira Gabonetako kanpainako txartelak salgai.

Bizkaiko Kultur Txartelak 40 euroko balioa eukiko dau txartela daukanarentzat, eta kultur produktuak erosteko, edo museoetarako, zuzeneko emanaldietarako eta bestelako kultur ekitaldietarako sarrerak eskuratzeko erabili ahal izango da. Txartela BBKko kutxazainetan eskuratu ahal izango dira, eta produktuak eta sarrerak, ostera, kanpainari atxikitako establezimendueta.

Bizkaiko Kultur Txartelak 3 kategoria izango ditu:

A motakoa (32 €), edozein kultur produktutarako.

B motakoa (28 €), kultur jardunetarako (arte eszenikoak eta museoetara bisitak, zinea…).

D motakoa (24 €), euskeraz egiten diren produktu eta jardunetarako.

Bizkaiko Kultur Txartela Bizkaiko Lurralde Historikoan bakarrik erabili ahal izango da 2013ko abenduaren 16tik 2014ko urtarrilaren 31ra. Epe hori igarota, txartelak ez dau baliorik eukiko ordainketarik egiteko.

Esatekoak 0
Ikusita: 726