kontaktua
2017.06.30

Dantza Plazetan uztailean Bilbon

Gure kulturan dantzak garrantzi handikoak dira. Jaiak ospatzeko, alkarregaz batzeko... dantza da gure izakeraren erakusgarririk handienetako

Hori halan izanik, Bilbon Dantza Plazetan programaren bitartez, bai guretzat, bai kanpotik jatorkuzan bisitarientzat, erakusgarri polita da euskal kultura ezagutzeko.

Uztaileko asteburuetan (hilaren 2, 8, 15 eta 22an) dantza-taldeen erakustaldiak egingo dira Arriagako plazan. Santutxuko Gaztedi taldea, Basurtuko Beti Jai Alai, Erandioko Goi-alde eta Castañoseko Salbatzaile taldeek jardungo dabe urrenez urren.

Aurten, gainera, hilaren 27an, atzerriko taldeen erakusketa gehituko jakie. Egun horretan talde honeek parte hartuko dabe: Mexikoko Ballet Universidad Colima, Indiako Rangsagar, Poloniako Wisla, Txuvaxia Errepublikako kantu eta dantza estadu konpainia eta Kolonbiako Grupo danzas folkloricas Carmen Lopez.

Esatekoak 0
Ikusita: 92
2017.05.26

Errogatibei buruzko hitzaldia Igorren

Gure herrietan ohitura zabala izan da oraintsura arte errogatibak egitea. Urkiola, Arantzazu... holango lekuetara herri askotatik egin izan dira. Arratian orain be urtero-urtero egiten da errogatibea San Antonio egunaren hurrengo astean. Jente asko joaten da autobusez, autoz eta oine

Baina zer dira errogatibak? Munduan beste leku batzutan be egiten dira, non? Ze antzekotasun eta alde daukie? Noiztik datoz Urkiolako errogatibak?

Galdera guztiok erabiliko ditu Ander Manterolak Igorren ekainaren 2an egingo dauen hitzaldian.

Esatekoak 0
Ikusita: 131
2017.04.28

Getxon ondarea ezagutzeko ibilbideak egingo dabez aurten be

Apirilaren 29an hasita, Getxo ezagutzeko ibilbideetan parte hartzeko aukera dauka gura dauen guztiak. Ibilbideotan herriko bazterrak ikusi, lekuan lekuko ohitura, eraikin eta ondare mota guztien ganeko jakingarriak azalduko dabe

Getxoko Udalak eta herriko Bizarra Lepoan alkarteak bideratuko dabez taldeak, oinez, eta inoiz bizikletan be.

Aukera ederra da herria ezagutzeko, ariketa fisiko apur bat egiteaz batera.

Udabarrian eta udagoienean egingo dira urteerak eta horretarako aurretik izena emon behar da. Bost ibilbide dagoz, bakotxean leku batzuk ikusten dirala.

 

Apirilaren 29an hasita, Getxo ezagutzeko ibilbideetan parte hartzeko aukera dauka gura dauen guztiak. Ibilbideotan herriko bazterrak ikusi, lekuan lekuko ohitura, eraikin eta ondare mota guztien ganeko jakingarriak azalduko dabe

Getxoko Udalak eta herriko Bizarra Lepoan alkarteak bideratuko dabez taldeak, oinez, eta inoiz bizikletan be.

Aukera ederra da herria ezagutzeko, ariketa fisiko apur bat egiteaz batera.

Udabarrian eta udagoienean egingo dira urteerak eta horretarako aurretik izena emon behar da. Bost ibilbide dagoz, bakotxean leku batzuk ikusten dirala.

 

 

Esatekoak 0
Ikusita: 136
2017.03.10

Bizkaiko Aratusteei buruzko hitzaldia Markinan

Martiaren 10ean Bizkaiko Aratusteei buruzko hitzaldia egingo dau Akaitze Kamiruagak Markinako Uhagon Kulturgunea

Aratusteak igaro barri dagoz, baina oihartzuna ondino entzungai da. Joan dan asteburuan hainbat lekutan ospatu ebezan, eta hil honen 10ean Markinan hitzaldia egingo dabe gai horren ganean.

Markinan Aratusteak biziro ospatzen dabez: Hartza, zahagi-dantza eta antzar-jokoa ditue bertako ohitura, azken hori galtzen doala esan balei be.

Akaitze Kamiruagak Bizkaiko herrietan aratusteak ospatzeko modu ezbardinak aztertuta dauka, eta dokumental eta liburu banatan batuta. Labayru Fundazioak argitaratuta.

Hitzaldian Bizkaiko ohitura horreen ganean jardungo dau, Markinakoetan indar gehiago eginda. Ha ta guzti be, Markinako ohiturak munduan hain zabal dabizan beste batzuen parean aztertuko ditu.

Esatekoak 0
Ikusita: 205
2017.02.23

Badatoz aratusteak!

Aratusteen ospakizunak zikloa osotzen dau, egun bateko jaia barik hainbat egunetakoa da, eta lekutik lekura egunok aldatu egiten dira.

Datorren asteburuan eta martitzenera arte batzen dira ospakizunik gehienak.

Gure inguruan Bilbon alkartuko da jenterik gehien, baina herrietan hainbat modutara jantzi eta gozatzeko ohiturak topauko ditugu.

Mundakan Atorrak eta Laminak urtengo dabe; Durangon Surrandiak; Markinan Hartza eta Zahagi-dantza egiteko dantzariak; Gernikan Marroak; Trapagaranen Carrascoliendas; Ermuan Hartza; Lekeition Estudiantina.

Urruntxuago joan ezkero, Eibar, Tolosa, Zuberoa... beste hainbat inauteri mota aurkituko doguz.

Zenbatgura plan egiteko aukerea, Aratusteak bakotxak gura dituan moduan ospatu eta biziteko.

Esatekoak 0
Ikusita: 250