kontaktua
2012.04.19

Eustakio Larrabeiti Eulea

Eustakio Larrabeiti (Loiu 1848-Galdakao 1936) Eulea gatxizenagaz ezagutzen dan bertsolariaren ekarpena berreskuratu dau Asier Legarreta mungiarrak.

Eustakio bigarren karlistadan sarjento ibili ei zan, eta gerra zibilaren aurretxoan EAJren inguruan, bertso-saioetan Urretxindorragaz batera agertzen da eta.

Biografia ezeze, Asierrek bertso partidea batu dauz, handik hortik hemetik, baita liburua osatu be bertsolari hau ezagutu daigun: Eustakio “Eulea ilbindu trespunte (Laukizko Udala, 2012).

Bertso-paper egilea dogu, plazan ibilitakoa be bai, Euzkadi egunkarian argitaratzen ebazan bertsoak eta testuak, Galdakaoko barriak tartean. Gizon ekintzailea dogu eta interesgarria.

Hona bertso batzuk:

OINTXE GARA BA

 

Zeugana nagor ni Kirikiño
Berbaldi labur bategaz,
Ondo badagoz iragarteko
Zeugana zuzenduten naz.
Izparringie betetan bozu
Neure berbaldi honegaz.
Ostera bere biralduko dot
Neguen hilten ez banaz.

2

Hauteskundeko egune dogu
Semendiaren hamaikan.
Alkate onak iminiteko
Bizkaiko herri danatan.
Alkategaiek egiten dira
Uzentau egun horretan,
Nortzuk direan ikusiten da
Arratsaldeko lauretan.

3

Aupa mutilak! Egun honeri
Emon daiogun berea,
Euzkadin laster imini daigun
Geure asaben legea.
Gure Euzkadi lehen bakarrik zan
Bere buruen jaubea,
Zorigaiztoan erbestetarrak
Gaur aginduten deudea.

1

Esatekoak 0
Ikusita: 573
2012.04.13

Ikusentzunezkoak katalogoan

Labayru Ikastegiko Euskal Biblioteka sarean konsultau daiteke. Bertan dagoz hainbat liburu, aldizkari, folleto edo liburuxka, kartel eta abar. Honezkero fondo ikaragarria osotu da urteotan batutako materialakaz.

Azken aldian, ostera, ahalegin apartekoa egin da ikusentzuteko euskarrietako materialak be katalogetan. Hori dala-ta, bideo eta audio moduan batutako corpusa katalogau eta euskarri digitalera ekarteari ekin deutso liburutegiak. Horren emaitza dira bi milatik gora fitxa, halango materialakaz horniduak.

2010ean hartu eban Labayru Ikastegiak Rafael Batarritak emondako irudi-artxiboa, denporeagaz katalogau, digitalizau eta bertan gordetako helburuagaz. Hori izan da lan honen lehenengo pausoa. Horrek berak bakarrik 1552 fitxa sortu ditu, gehienak bideoenak, baina argazki CDak be asko dagoz. Bideoak hainbat euskarritan dagoz, gainera, Beta, VHS, DVD.

Fitxa guztiok agirian dagoz Euskal Bibliotekako katalogoan, saretik be kontsultetako moduan.

Esatekoak 0
Ikusita: 376
2012.04.03

Bizkaie! aldizkariak 10 urte

 

Zorionak emotekoa da aldizkari batek urteak betete, eta hori da gaurko barria, Bizkaie! aldizkari digitalak 10 urte dakarz apirilaren 8an. Eta sasoi onean, ganera. Izan be, oin dala hamar urte hasi zanean, hamabostean behin urteten eban; gaur egun, ostera, egunero-egunero heltzen gure ordenagailuetara gehien baten kulturako gaiez beterik.

Izenak berak erakusten dauenez, Bizkaiko aldizkari bat da, eta bizkaieraz idatzia. Bidelagun ditu, babesle moduan, Bizkaiko Foru Aldundia, Eusko Jaurlaritza, Bilboko udala eta BBK. Baina babesle ditu bertan kolaborazinoak idazten dabezanak eta jarraitzaile agertzen diran hainbat eta hainbat lagun.

Aldizkari birtuala dan aldetik, teknologia barrietako tresnak darabilz. Hagaitino, sare sozialetan leku handia dauka eta lantzen dabiz beste tresna batzuen bitartez be irakurgai izateko.

Koldo Isusi zuzendariaren ardurapean, euskeraz agertzen ditu zenbatgura gai, egunero-egunero gure hizkuntzak lekua hartzen dau sarean eta guri eskura ekarten deuskuz hainbat barri.

Esatekoak 0
Ikusita: 347