kontaktua
2016.11.17

'Gorbeia inguruko etno-ipuin eta esaundak (II)' liburu barria

Juan Manuel Etxebarriak 'Gorbeia inguruko etno-ipuin eta esaundak II' izeneko liburua aurkeztu barri dau. Aspaldian ateratako lehenengo partea ezagutzen genduan, eta handik dakigu Gorbeiaren magalean eta inguruetan dagozan hainbat herritan ibili dala herritar euskaldunei etnografia eta ipuinak batzen.

Liburu potoloa dakar oraingoan, Euskaltzaindiak eta Deustuko Unibersidadeak alkar hartuta dotore argitaratuta.

Edukiari erreparauta, ipuinak, siniskerak, pasadizuak, bizimodu tradizionalari jagokozan pasarteak aurkituko ditu irakurleak.

Hizkuntza aldetik ahozko erregistroaren ugaritasuna azpimarratu behar da, badago zer ikasi liburuan. Idatzizko eredura ekartea izango da hurrengo pausua, baina corpusak aukera handia emoten dau.

Juan Manuel Etxebarriak, Zeberioko semeak, hango euskera aztertu eban tesi-lanerako, eta ondo be ondo ezagutzen dau inguruetako berbetea. Irakasle, idazle eta ikertzaileentzat ekarri handiko iturria da liburua.

Esatekoak 0
Ikusita: 687
2016.11.11

Begoñazpi Ikastolaren 'Gazte Role Model Sariak' Ander Manterola eta Eduardo Junquerari

Aurtengo 'Gazte Role Model Sariak' Ander Manterolari eta Eduardo Junquerari emotea erabagi dau Begoñazpi Ikastolak eratutako epaimahaia

Sariokaz lan- eta alkartasun-baloreak nabarmendu eta goratu nahi ditu Begoñazpi Ikastolak, ikasle gazteentzat eredu diralakoan.

Ander Manterolak alkartasunari jagokon saria hartuko dau. Ander Labayru Fundazioaren sortzaileetarikoa da, zuzendari izan da urte askoan, euskeraren alde behar asko egindakoa, eta etnografiako ikertzaile handia, Atlas Etnográfico de Vasconia egitasmoaren zuzendaritzan erakutsi dauen moduan.

Eduardo Junquerak lan arloari jagokon saria hartuko dau. Eduardo injinerua da, Egile Corporation XXI enpresa korporazinoko presidentea. Epaimahaiak industria arloan egin dauen ibilbidea saritu dau, barrikuntzaren aldetik egindako ekarpenak kontuan hartuta.

Sari-banaketa zemendiaren 14an izango da, arrastiko 6:30etan, Begoñazpi ikastolan.

Esatekoak 0
Ikusita: 805
2016.11.03

Letrak eta Futbola Athleticen eskutik

Letrak eta Futbola izeneko jardunaldiak, aurten zemendiaren 7tik 12ra bitartean egingo dira. Athletic futbol taldeak eratzen dau programea, eta aurtengoa zazpigarren edizinoa izango da

Egunero-egunero jarduera interesgarriak egongo dira, hainbat idazle eta artista tarteko direla; besteak beste, Philip Kerr, Héctor Abad Faciolince, Valerio Magrelli, Unai Elorriaga, Agustín Fernández-Mallo, Pablo Nacach, Jasone Osoro, Alaia Martin...

Ekintzen artean, antzerkia, alkarrizketak, mahai-inguruak, irakurketak... egongo dira. Jarduera guztiak San Mamesen izango dira.

 

 

Esatekoak 0
Ikusita: 610
2016.10.27

Literatur Amuak Ondarroan asteburuan

Ondarroan Literatur Amuak egitasmoaren barruan, programa zabala dauka eskura bertara hurreratzen danak. Urriaren 27an hasita azaroaren 1era arte, egunero hainbat ekitaldi egingo dira literatureagaz lotuta: poesia errezitaldiak, bertso-saioak, liburu-aurkezpenak, dantza-ikuskizunak, antzerkia.

Egunotan emongo dira Agustin Zubikarai nobela saria eta Nanoipuin leihaketako sariak be.

Herriko hainbat lekutara zabaldu dabe programa, herri osoak parte hartu dagian.

 

Esatekoak 0
Ikusita: 672
2016.10.20

Europako hizkuntza-aniztasunaren foroa Donostian abenduan

Abenduaren 15ean eta 16an "Europako hizkuntza-aniztasunaren Foroa" egingo da Donostian, Donostia 16 programaren barruan Unesco Etxeak antolatut

Aurkezpenean datu honeek emoten dabez: Europan 24 hizkuntza nazional dagoz; horrez ganera, beste 90 eskualde-hizkuntza edo hizkuntza gitxitu dagoz, eta horreetatik 30 galtzeko arriskuan.

Foroak helburu batzuk bete nahi ditu: alde batetik, hizkuntza-aniztasuna bera aitortu eta baloratzea, Europa demokratikoagoa egiteko; beste alde batetik, Europako hizkuntza-komunitateen iraupenean eragina daukeen faktoreak aztertu, neurtu eta hobetzeko proposamenak egitea; eta hirugarren helburu garrantzitsu bat be bada, gizarte zibilean eta ikerketa-eragileen artean nazinoarteko alkarlana indartzea.

Honezkero izena emon daiteke bertan parte hartzeko helbide honetan: www.donostiaforum.eu

Esatekoak 0
Ikusita: 772