kontaktua
2017.09.08

Antzerkia sortzeko beka deialdia

Joseba Jaka bekarako deialdia egin dau Elkar Fundazioak, 2017-2018an lana egiteko. Antzerkia sortzeko beka da, eta 10.000 euroko saria daka

Beka hartu gura dauenak euskeraz sortutako antzerkiaren lagina aurkeztu behar dau urtarrilaren 26ra bitarteko epean. Aurkeztutako guztien artean epai-mahaiak aukeratuko dau zeineri bekea emon. Horren barri apirilaren 30erako emongo dabe, eta hortik aurrera lana osotzeko garaia izango da.

Beka honen helburua sorkuntza bultzatzea da.

Esatekoak 0
Ikusita: 55
2017.07.13

Eako Poesia egunak asteburuan

"Marrazkia azalean, azala hitzetan" izenburuagaz datoz aurtengo Eako Poesia Egunak. Aurten uztailaren 14, 15 eta 16an egingo dira Ean urteroko Poesia Egunak. Herri osoa hartuko dabe, hainbat ekitaldi mota egiteko: antzerkia, errezitaldiak, kantaldiak, ikuskizunak... Eta herri-bazkariak, bertaratzen diran guztiak bat egitek

Parte-hartzaileak honeek dira: Mikel Martínez, Irati Agirreazkuenaga, Tartean Teatroa, Loraldia, Isaac Xubín, Errime, Xabier Gantzarain, Uxue Alberdi, Iñaki Zabaleta, Txakur Gorria, Inun, Amaiur B. Blasco, Ertza Konpainia, Anticontinente, Ismael Manterola, Karabansarai Konpainia, Yolanda Arrieta, Leire Bilbao, Ana Urkiza, Pello Ramírez, Sahatsa Ramírez, Ainara Azpiazu Axpi, Elena Odriozola.

Bariku  iluntzean hasi eta zapatu-domekak goiz eta arrasti, jarraian egongo dira ekitaldiak. Egitaraua ikusteko hona jo daiteke: www.eakopoesiaegunak.eus

Esatekoak 0
Ikusita: 183
2017.07.07

Inkesta soziolinguistikoaren emaitzak euskeraren aldekoak

Egunotan 2016ko inkesta soziolinguistikoaren emaitzen barri emon dabe, eta euskererarentzako barri onak dakarz.

Azterketa horren arabera, euskerearen eremu osoa kontuan hartuta, 16 urtetik gorako biztanleen % 28,4 euskalduna da, eta % 16,4 euskaldun hartzailea. Orain dala 25 urte egindako lehen Inkesta Soziolinguistikoagaz konparauta, euskereak 223.000 hiztun irabazi ditu. Era berean, galdeketeak argi erakusten dau zelan gaztetu dan euskal hiztunaren profila. Inkesteak hartzen dauen edade-talderik gazteena, 16 eta 24 urte bitartekoa, da euskaldun ehunekorik altuena daukana, % 55,4, eta 1991n euskaldunena zanak, 65 urtetik gorakoenak, dauka gaur egun euskera gaitasunik apalena, % 20,4.

Eremuka, EAEn izan da hazkunderik nabarmenena; eta edadeari lotutako datuen arabera, euskerearen hazkundea gazteenetatik dabil zabaltzen.

Esatekoak 0
Ikusita: 136
2017.06.30

Dantza Plazetan uztailean Bilbon

Gure kulturan dantzak garrantzi handikoak dira. Jaiak ospatzeko, alkarregaz batzeko... dantza da gure izakeraren erakusgarririk handienetako

Hori halan izanik, Bilbon Dantza Plazetan programaren bitartez, bai guretzat, bai kanpotik jatorkuzan bisitarientzat, erakusgarri polita da euskal kultura ezagutzeko.

Uztaileko asteburuetan (hilaren 2, 8, 15 eta 22an) dantza-taldeen erakustaldiak egingo dira Arriagako plazan. Santutxuko Gaztedi taldea, Basurtuko Beti Jai Alai, Erandioko Goi-alde eta Castañoseko Salbatzaile taldeek jardungo dabe urrenez urren.

Aurten, gainera, hilaren 27an, atzerriko taldeen erakusketa gehituko jakie. Egun horretan talde honeek parte hartuko dabe: Mexikoko Ballet Universidad Colima, Indiako Rangsagar, Poloniako Wisla, Txuvaxia Errepublikako kantu eta dantza estadu konpainia eta Kolonbiako Grupo danzas folkloricas Carmen Lopez.

Esatekoak 0
Ikusita: 150
2017.06.21

Santiago Onaindia literaturako ikerketa bekako deialdia

Amorebieta-Etxanoko udalak 15. deialdia egin dau Santiago Onaindia Ikerketa Bekarako izena emotek

Santi Onaindia karmeldarra Zornotzako komentuagaz lotzen da, bera Amorotokoa bazan be. Hil zanean, literaturan bizitza osoan egindako ekarpenaren gorazarrez, Udalak beka deialdia egitea erabagi eban. Ordutik dator 15.era heldu dan deialdia.

"Euskal literaturaren alorreko ikerketa-lanak" saritzen dira, eta euskeraz egin behar dira.

Hautagaiek irailaren 29ra arte daukie egitasmoak aurkezteko epea. Gero epaimahaiak beka nori emon erabagi, eta bekadunak urtebete eukiko dau lana amaitzeko.

Saria 9.000 eurokoa da, eta lana argitaratu egingo da, beren-beregi sortutako Santi Onaindia Beka izeneko liburu-bilduman.

 

 

Esatekoak 0
Ikusita: 166