kontaktua
2018.11.09

Glotodidaktika jardunaldia

Azaroaren 9 eta 10ean Glotodidaktika jardunaldiak egingo dira Bilbon, Euskaltzaindiaren egoitzan, UEUk eratuta, euskeraren etorkizunean Euskalduntze-Alfabetatze prozesuek daukiezan erronkan aztertzek

Jardunaldiotan hainbat helburu landuko dira: bizibarritze prozesuaren egoerea, joera pedagogiko barrien ondorioak eta aukerak, lan munduan eragiteko moduak, ahozkotasunaren garrantzia, IKTek dakarrezan aukerak, jarduera arrakastatsu batzuk.

Programa betea dago aurreikusita, unibersidadeetako eta euskera irakasten daben erakundeetako profesionalen eskutik.

Esatekoak 0
Ikusita: 23
2018.10.26

Botaba! lehiaketa martxan

Bigarrenez egingo dau aurten Labayru Fundazioak Botaba! euskerazko esamoldeen lehiaketea. Azaroaren 5etik aurrera, hile osoan parte hartu ahal izango d

Horretarako, esamolde bat hartu, hori erabiliz bideo bat sortu, eta Instagramera igon behar da. Hortik aurrera, botoak batu eta epaimahaiaren balorazinoa beharko dira sariak irabazteko.

Sari nagusia lau egunerako Europako uri baterako bidaia izango da, El Corte Inglesek emonda. Baina beste sari asko dagoz, kategorien arabera: Nekaturreko agroturismo baten asteburu bat, Sagardotegi baten afaria kuadrillarentzat, eta abar.

Begiratu botaba.eus webgunean argibide guztiak eta animau parte hartzera.

Gaztea irratian jarraipena egingo jako lehiaketeari, eta ETBko Gure kasa saioan be bai.

Babesleen artean, ostera, EAEko hiru Aldundiak, hiru hiriburuetako udalak, BBK, Eusko Jaurlaritza eta sari-emoileak dagoz.

 

 

Esatekoak 0
Ikusita: 98
2018.10.18

Euskadi Literatura Sariak 2018

Eusko Jaurlaritzak aurtengo Euskadi Literatura Sarien irabazleak iragarri ditu kategoria bakotxean: Eider Rodriguezi Bihotz Handiegia liburuagaitik emon deutsie euskerazko ataleko Euskadi Saria; Yolanda Mosquerak La pequeña Roque (Guy de Maupassant) liburuko ilustrazinoakaitik hartu dau atal horretako saria; Santos Zunzuneguik Bajo el signo de la melancolía saiakereagaitik irabazi dau; Eider Rodriguezek Euskerazko Ume eta Gazte Literaturea ataleko saria hartu dau Santa Familia komikiagaz, deialdi bereko bigarren saria beraz; Karmelo Iribarrenek Gaztelaniazko Literatura ataleko Euskadi Saria irabazi dau, Mientras me alejo poema-liburuari esker; Kepa Altonagak Euskerazko Saiakera atalean irabazi dau Patagoniara Hazparnen barrena liburuagaz; Emily Brontë ingelesaren Gailur ekaiztsuak itzultzearren hartu dau Irene Aldasorok Euskerazko Literatura Itzulpena ataleko saria. Zorionak irabazleei eta baita irakurleei be!

Esatekoak 0
Ikusita: 43
2018.09.27

Sanmigelak asteburuan

Irailaren 29an ospatzen da San Migel. Gure inguruan hainbat lekutan izango dira jaiak eta egongo da zer eta non ospatu.

Gure folklorean badira adierazpen berezi batzuk egun horretarako, gura dauanak ikusteko modukoak.

Markinan, esaterako, Arretxinagako jaiak egingo dabez, eta San Migel egunean bertan ohitura berezi bi egingo dira aurten beste urteetan moduan. Eguerdian, meza nagusiaren ostean, Xemeingo ezpata-dantza eta Aurreskua, eta gauerdian, gaueko hamabietan, Mahai gainekoa.

Iurretan be San Migel eguna da jai-egun nagusia, baina bezperan, bariku arrastian dago 'Ohiturazko Doniel-hatxa jasotzea eta Dantzarien azkenengo ensaioa". 29an, barriro, Dantzari-dantza eta Nesken soka-dantza egingo dabez arrastiko zazpiretan. Doniel-hatxa ipintearen eta Dantzari-dantzaren ohiturea Durangaldean zabal dabil.

Batera zein bestera hurreratuten danak bertatik bertara ezagutu eta bizi ahal izango ditu jai-ohiturok.

 

Esatekoak 0
Ikusita: 276
2018.09.21

Euskaraldian izena emoteko epea zabalik

Badator Euskaraldia. Irailaren 20an hasita, izena emoteko epea zabalik dago. Euskaraldiaren helburua hizkuntza-ohiturak aldatzea da, eguneroko egoeratan eta hartu-emonetan euskera gehiago erabilteko ariketa da.

Euskaraldia azaroaren 23tik abenduaren 3ra izango da, 11 egun horreetan euskeraz egin daigun ahalik eta gehien. Ekimenean parte hartzeko modu bi dagoz: AHOBIZI izateko jente guztiari lehenengo berbea euskeraz egiteko konpromisoa hartzen da, entzuleak euskeraz zein erderaz erantzun. BELARRIPREST izan ezkero, ondokoei adierazten jake euskeraz egitea gura dodala, norberak euskeraz zein gaztelaniaz erantzun.

Onena da bakotxak bere herrian, bere ohiko inguruan izena emotea: familian, lagunartean, beharrean, eskolan, dendetan… zabaltzeko Horregaitik, herriz herri egongo dira informazinoa hartzeko eta izena emoteko lekuak. Horrezaz ganera, enpresa, alkarte, ikastetxe eta era guztietako entidadeetan be egon daiteke modua.

Esatekoak 0
Ikusita: 72