kontaktua
2016.04.14

IX. Gutun Zuriak literaturaz beteko dau Bilbo erdia

Azkuna Zentroan aurten IX. Gutun Zuria egingo da apirilaren 19tik 24ra bitartean. Aurtengo gaia 'Krimena eta delitua literaturan' izango da. Gai horren harira, hainbat idazle batuko dira hitzaldiak egiten, alkarrizketa formatuan be ba

Gutun Zurian mundu mailan izen handia dauken idazleak hurreratzen dira.

Hitzaldien osagarri, zinea, topaketak, dantza-kantaldiak izango dira. Azpimarratzekoak dira 'Stockholmeko Sindromea' talk showa zuzenean eta Ruper Ordorikaren errezitaldi-kontzertua.

Horrez ganera, 'Milorria' instalazinoa ipiniko dabe Kulturen Atarian, arte garaikidearen ekarpen modura.

Programa bete-betea dakar aurten be Gutun Zuriak. Hemen konsultau daiteke: http://www.azkunazentroa.com/az/eusk/agenda-2/gutun-zuria/al_evento_fa


 

Esatekoak 0
Ikusita: 1038
2016.04.07

Loraldia, euskal kulturaren erakustokia Bilbon

Apirilaren 9tik hasita, 24ra arte, Bilbon sorkuntzagaz eta barrikuntzeagaz zerikusia dauken kultur ekitaldian nahinon izango dira. Arte mota guztiak, ikuskizun asko eta asko, eszenatokiak nahi beste... Euskal kultura Bilbo osoan zabaltzea da Loraldiaren helburu

Iaz hasi zan egitasmoa, baina aurten asko zabaldu da, handitu, ugaritu.

Ikusleek gustu guztietarako aukerak ditue eskura. Saioetako asko doan izango dira, eta ordaindu beharrekoak ez dira bape karuak.

Esatekoak 0
Ikusita: 1040
2016.03.31

Jardunaldia ahozko literaturaz

Labayru Fundazioak jardunaldia eratu dau, ahozko literatura gai hartuta aprilaren 7 eta 8rako Bilboko Rekalde aretoan.

7an iluntzeko 7retan, hitzaldi-kantaldia egingo da. Euskal balada eta kantu zaharren errepertorioa izango da gaia. Alde batetik Jabier Kalzakortak kantuaren azalpen eta argibideak emongo ditu eta Maddi Oihenart kantariak abestu.

Hurrengo egunean goizean, Jesus Antonio Cidek hitzaldia egingo dau, barriro be balada-gai baten ganean. Cid Madrileko Unibersidade Complutenseko irakaslea da, Menéndez Pidal Mintegiko zuzendaria eta ahozko literaturan aditua.

Jarraian mahai-inguruan ahozko literaturaren garrantzia izango da gaia hiru hizlariren artean, bakotxak ikuspegi bat dakarrela: Yolanda Arrietak irakaskuntza arloan jarduten dau, Kirmen Uribek idazle ikuspegia ekarriko dau, eta Ruper Ordorikak abeslariarena.

Ekitaldi biok doan izango dira, baina izena emon behar da: idazkaritza@labayru.eus.

Esatekoak 0
Ikusita: 749
2016.03.17

'Kili-Kili' erakusketa Euskal Museoan

Martiaren 18tik aurrera Euskal Museoan, Bilbon, 'Kili-Kili. Euskera pozgarri' izeneko erakusketa egongo da ikusgai. 2016an 50 urte beteko ditu Kili-Kilik, eta hori dala-ta, ibilbide luze horren errepasoa egingo da: sorrera San Anton parrokiako katekesiaren ekintzen barruan, koadernoak, laguntzaile-sarea, beste lurraldeetara eta beste euskera-aldaeretara zabaltzea, jarduerak ugaritzea, irratia, kantua, argitalpenak, Kili-Kili egunak.

Kili-Kili mutikoak umeakaz dauka hartu-emona, eta beti euskeraz. Umeak diran aldetik, jolasa, olgetea da nagusi euren artean.

Alfabetatzeko metodoa izan da Kili-Kili, mezu argi bategaz: euskera pozgarri. Euskeraz biziko gara baina ez derrigortuta, geure hizkuntza dalako baino.

Erakusketa Labayru Fundazioak, Bilboko Udalak eta Euskal Museoak egin dabe, Kili-Kili eta Euskerazaleak alkarteek lagunduta.

Ekainera arte egongo da zabalik

 

Esatekoak 0
Ikusita: 1110
2016.03.10

www.euskalkiak.eus ataria

www.euskalkiak.eus euskerearen ganeko erreminta barria da, Koldo Zuazo hizkuntzalariak sarean ipini barri

Euskereak hainbat aldaera ditu, lekutik lekura forma ezbardina hartzen dau, eta horreri esaten jako euskalkia. Bost euskalki eta hamaika azpieuskalki banandu ditu Zuazok lan honetan.

Zuazo hizkuntzalaria da, euskalkien azterketan aditua. Urteotako lanaren emaitza da orain sarera eroan dauena.

Berez edozeinentzako modukoa da. Atarian aldaera bakotxeko hizlariak ikusi daitekez bideo baten, berbeta mota horren erakusgarri.

Halango gaiak filologoentzat bakarrik dirala uste dauenak be topau leike beretzako moduko tartea bertan.

Esatekoak 0
Ikusita: 1128