kontaktua
2016.01.22

Binke! aldizkari barria Galdakao

Euskera hutseko aldizkari barria aurkeztu dabe Galdakaon, Binke! izenekoa. Barri ona da euskerarentzat, Galdakaon eta Usansolon banatuko da-ta. Doan banatuko da etxe guztietara, era guztietako edukiez hornidut

Horretarako euskerea indartuteko alkarte bat sortu da berenberegi, herriko jenteak parte hartuta.

Emaitza ona opa deutsagu bai alkarte barriari bai aldizkariari!

 

Esatekoak 0
Ikusita: 1180
2016.01.14

Badatoz aurtengo maskaradak

Aurten Sohütako gazteek hartu dabe Zuberoan Maskaradak dantzatu eta antzezteko ardurea. Urtarrilaren 10etik apirilaren 10era bitartean hamahiru aldiz egingo dabez; lehenengoa eta azkena herrian bertan, eta ganerakoak inguruko herrieta

Parte hartzaileak gazteak dira, neskak mutilak baino gehiago. Ohiko moduan, goizean goizetik egingo dabe herrian sarrerea, etxerik etxe gero barrikadak apurtu, alkarregaz kopaua egin eta dantzak erakutsiz.

Arrastian izango da maskaradea.

 

 

Esatekoak 0
Ikusita: 975
2016.01.08

'Kultura ondarea' saria

Eusko Jaurlaritzak bigarrenez deitu dau 'Kultura ondarea' saria. Lehiaketaren helburua da Euskal Herriko ondare kulturala ezagutzera emotea bideoen bitartez. Parte hartzeko, gure ondareari buruzko bideo bat aurkeztu behar da apirilaren 8rako. Lehiaketa DBH, Batxilergo eta Lanbide Heziketako ikasleei zuzenduta dago eta sari nagusia Irlandan egonaldia izango da.

Taldeka parte hartzen da Kultur Ondarea sarian, 3 eta 6 ikasle bitartean, tutore bategaz. Gaia ondare materiala zein inmateriala izan leiteke; izan be, lehiaketaren helburua da ikasleak jabetzea ondarea zer dan, eta ondare hori eurengandik hurrekotzat sentidutea, eta ez museoan dagoan zerbait.

Webgune bat jarri dabe lehiaketaren barri zehatza emonaz www.kulturaondarea.euskaldi.eus. Hor bertan bideo tutorialen bitartez ondo azalduta dago zer dan ondarea, bideoa zelan egin daiteken, kultura arloko aditu batzuen ekarpenak eta orain arte parte hartu eta sarituak izan diran bideoak be ikusgai dagoz.

Esatekoak 0
Ikusita: 989
2016.01.01

Urte barriagaz batera badatoz euskerako diru-laguntzak

Euskerako egitasmoak urtean zehar aurrera egin gura dabezan alkarte, udal eta enpresek herri-erakundeek deitzen dabezan diru-laguntzera joten dabe egitasmook aurrera eroateko diru lagungarriaren bil

Ba bai Bizkaiko Foru Aldundiak bai Eusko Jaurlaritzak argitaratu dabez deialdiok eta urtarrilean zehar dago eskariak egiteko epea zabalik.

Euskera bultzatzeko ekintzak edo jarduerak, hedabideetan euskereak presentzia euki daien, enpresetan lan arloan euskerearen erabilera handitutera begira egingo diranak... Holangoak urtean zehar egiteko asmoa daukenak oraintxe dauke diru-laguntza eskatzeko aukera.

Esatekoak 0
Ikusita: 1011
2015.12.18

Marijesiak eta Gabon kantak

Gabonak datoz eta hori aurreratuteko hainbat seinale daukaguz inguruan. Horreetariko bat Marijesiak edo Abendua dogu. Ean, Gautegiz-Arteagan eta Gernikan hasita dagoz kantu-errondak egiten 24an amaitzeko. Bederatzi egunez urteten dabe herrian zehar abesten, egun bakotxean jagokon kantua eginez. Bederatziurrena Gabon egunean amaituko da, eske-errondeaga

Horren harikoa da beste herri batzutan 23an egingo dabena, kantu- eta eske-erronda Marijesietako edo Abenduko koplak abestuz. Halangoak egingo dabez Muxikan, Gorozikan, Ibarrurin, Mendatan, Lekeition eta Abadiñoko Mendiola auzoan.

Esatekoak 0
Ikusita: 1002