kontaktua
2018.05.11

Euskerearen historia liburu baten

Euskararen historia gure hizkuntzaren historia hobeto ezagutzeko mugarria izango da. Arlo akademikoko aditu ezagunek talde-lanean egindako lan zabala da, Historiaurretik hasita gaur arte euskereak egin dauen ibilbidea azaltzeko erespide zientifiko zorrotzei kasu eginaz. Atal bakotxean aldi bat jorratzen da: Historiaurrea, Antxinaroa, Erdi Aroa eta abar, gaur egunera arte. Garaiak bereizteko euskerearentzat mugarri izan diran datak erabili ditue.Ha ta guzti be, euskerearen aldi bakotxaren inguruan dagoan informazinoa gorabeheratsua da: Sasoi batzuen ganean informazino oparoa dago, beste kasu batzuetan ia ezer ez. Halandabe, liburuari batasuna emoteko, kapitulu guztiei egitura bardintsua emon deutsie.

Egileak honeek izan dira: Joaquin Gorrotxategi, Patxi Salaberri, Céline Mounole, Joseba Lakarra, Ricardo Gómez, Blanca Urgell, Iñaki Camino eta Pello Salaburu. Mikel Aizpuru, Juan José Larrea eta Xabier Zabaltza historialariek egindako ekarpenak be aitagarriak dira.

Esatekoak 0
Ikusita: 233
2018.05.04

Zeanuriko erroten ibilaldia maiatzaren 6an

Aurten be Zeanurin errotarik errota 18 kilometroko ibilaldia prestau dabe. Udaletxean urten eta auzorik auzo herria ezagutzeko aukera ederra izango da. Ibilaldi osoari luzeegi eretxi ezkero, 12 kilometrokoa be egiteko modua egongo d

Aldi berean, errotek euki daben garrantziaz jabetuteko be balioko dau. Guztira 18 errota dagoz herrian, gehienak geldi, bertan behera. Baina ibilaldira doazenak errota bi martxan ikusi ahal izango dabez: Errotabarri, Otzeringo kofradian, eta Ibargutxi, Ipiñaburukoan.

Hitzordua Zeanuriko plazan, goizeko 9etan. Izena emotea, 5 eurokoa, bertan egin ahal izango da. Umeentzat doban.

Esatekoak 0
Ikusita: 244
2018.04.26

Badator Gutun Zuria Bilbora

Gutun Zuria kultur jarduera ezaguna dogu honezkero urteroko agendan. Aurten be hutsik egin barik heldu da, apirilaren 23tik 29ra hainbat ekitaldi ekartek

"Naturara itzultzea. Utopiara bidaia ote?" izenburuagaz dator oraingoan. Bertan izango dira gure arteko eta kanpoko idazle asko eta izen handikoak, solasaldiak, aurkezpenak eta alkarrizketak egiten.

Horrezaz ganera, arte-instalazinoak, erakusketa, dantza-saioak be egongo dira, egitarau zoragarria osotuz.

Bertara joan ezin izan ezkero, ganera, sarearen bidez jarraitzeko modua dago. Ez dago aukera galtzerik.

Esatekoak 0
Ikusita: 192
2018.04.19

Kantutegiari buruzko jardunaldia Mintzolan

Mintzolak urtero eratzen dauan jardunaldian, aurten kantutegiaren ondarea hartuko dabe aztergaitzat. Mintzolagaz batera, antolaketan parte izango dira Eusko Ikaskuntza, Eresbil eta Labayru Fundazioa. Erakunde guztiok dabiz beharren kantu eta musikaren ganeko materialakaz, eta bakotxak bere artxiboa dauka. Baina galdera bat dago mahai ganean: komeni da artxibo bateratu bat egitea? Lagungarri izango litzateke erabiltzaileentzat? Eta egitekotan, zelakoa izango beharko litzateke?

Artxiboetako arduradunak, ikertzaileak, kantuzaleak… batzeko behar-ekitaldia egingo dabe apirilaren 27an Villabonan, Mintzolaren egoitzan.

Esatekoak 0
Ikusita: 314
2018.04.13

Txikipedia, umeentzako Wikipedia euskeraz

Sarean gero eta eduki gehiago dagoz, baita euskeraz be. Txikipedia webgunea dogu horreetariko bat, era guztietako gaiaei buruzko informazinoa euskeraz emoten dauen

Izenak berak erakusten dauen moduan, 8 eta 13 urte bitarteko gazteei zuzenduta dago, eta horrek baldintzatuko dauz edukiaren sakontasun maila eta hizkuntza ereduaren erabilera.

Gaiak eta edukiak irudiz horniduta datoz, erakargarri eta didaktikoak izan daitezan. Orain hornidu egin behar. Horretarako irakasleei konbitea egiten jakie orrian bertan, ikasleakaz proiektuak bideratzeko.

Animo, danon onerako izango da-ta!

 

 

Esatekoak 0
Ikusita: 263