kontaktua
2017.05.19

Aho bete amets: haur literaturaren ahozko baliabideak (0-6 urte)

Yolanda Arrietak emongo dauen taller horretan, Haur Literaturaren ahozko baliabideak landuko dira modu praktikoan. Haur-poesia eta album ilustratuak erabiliz, ahozko jardunera ekarteko moduak frogatuko dira. Errezitaduak, kantuak, gorputz-adierazpena eta dramatizazinoa erabiliko dira, partaideen artean emozinoak eta estetika lantzeko.

0-6 urteko umeen guraso, irakasle, zaintzaile eta hezitzaileei zuzenduta dago.

Ikastaroa uztailaren 3-4-5ean izango da, Donostiako EHUn, goizeko 9:00etatik 14:00etara.

HikHasi Udako Topaketen arteko bat da hau, baina beste ikastaro asko egongo dira, irakaskuntza eta hezkuntzagaz lotuta gehien baten.

Informazinoa: http://www.hikhasi.eus/fitx/fitxategiaJeitsi.php?id=1395&emota=1&dok_id=2883

Maiatzaren 31ra arte emon daiteke izena.

Esatekoak 0
Ikusita: 342
2017.05.11

'Bizkaidatz' ipuin lehiaketarako deialdia zabalik irailera arte

Bederatzigarren edizino honetan, Karmele Jaiok eta Alejandro Fernández Aldasorok egin dabe ipuinaren hasierea, batak euskeraz eta besteak gaztelaniaz, hurrenez hurren.

Parte-hartzaileek ipuina osotu eta amaitu egin behar dabe, hasiera hori abiapuntutzat hartuta.

16-20 orri bitartean idatzi eta irailaren 22rako aurkeztu behar dira idazlanak. Sari bina egongo dira, lehenengoa 1.500 eurokoa eta bigarrena 500ekoa.

Lehiaketaren helburua idazteko eta irakurteko zaletasuna bultzatu eta indartutea da. Eta horretarako konbitea eginez dator: 'Jarraitzeko prest? Orain zure txandea da' lelopean aurkeztu da-ta.

 

Esatekoak 0
Ikusita: 305
2017.05.05

Santutxuko udabarriko bertso-saioak

Santutxuko Udabarriko bertso-saioak aurten 33. edizinoa beteko dau. Maiatzaren 6, 13 eta 20an, eguerdian egingo dira saioak, eta 25ean bertso-poteo

Santutxuko Bertso-eskoleak eratuten dauen ekitaldi horretan, eskolakoak eurak izango dira gai-jartzaile, bertsolaririk puntarengoak plazan daukiezala: Miren Amuriza, Ibon Ajuria, Unai Iturriaga, Maialen Lujanbio Sustrai Colina, Jone Uria, Alaia Martin, Amets Arzallus, Arkaitz Estiballes, Etxahun Lekue, Igor Elortza, Andoni Egaña, Oihana Bartra, Onintza Enbeita eta Fredi Paia.

Egitasmo honek Bilboko Udaleko Euskera sailaren laguntza dauka. Honezkero errotuta dago auzoan, Bilboko Bertso-eskolarik zaharrena dauka eta.

 

Esatekoak 0
Ikusita: 356
2017.04.28

Getxon ondarea ezagutzeko ibilbideak egingo dabez aurten be

Apirilaren 29an hasita, Getxo ezagutzeko ibilbideetan parte hartzeko aukera dauka gura dauen guztiak. Ibilbideotan herriko bazterrak ikusi, lekuan lekuko ohitura, eraikin eta ondare mota guztien ganeko jakingarriak azalduko dabe

Getxoko Udalak eta herriko Bizarra Lepoan alkarteak bideratuko dabez taldeak, oinez, eta inoiz bizikletan be.

Aukera ederra da herria ezagutzeko, ariketa fisiko apur bat egiteaz batera.

Udabarrian eta udagoienean egingo dira urteerak eta horretarako aurretik izena emon behar da. Bost ibilbide dagoz, bakotxean leku batzuk ikusten dirala.

 

Apirilaren 29an hasita, Getxo ezagutzeko ibilbideetan parte hartzeko aukera dauka gura dauen guztiak. Ibilbideotan herriko bazterrak ikusi, lekuan lekuko ohitura, eraikin eta ondare mota guztien ganeko jakingarriak azalduko dabe

Getxoko Udalak eta herriko Bizarra Lepoan alkarteak bideratuko dabez taldeak, oinez, eta inoiz bizikletan be.

Aukera ederra da herria ezagutzeko, ariketa fisiko apur bat egiteaz batera.

Udabarrian eta udagoienean egingo dira urteerak eta horretarako aurretik izena emon behar da. Bost ibilbide dagoz, bakotxean leku batzuk ikusten dirala.

 

 

Esatekoak 0
Ikusita: 346
2017.04.21

Gutun Zuriak hamar urte

Aurten "Ospakizuna" izango da ardatza Azkuna Zentroan egingo dan Gutun Zuriaren hamargarren edizinoan. Apirilaren 25etik maiatzaren 1era bitartean, literatura gai zentrala izan arren, gainerako adierazpide artistiko batzukaz lotuta agertuko da, orain arteko ibilbidean erakutsitako joereari jarraitu

Hitzaldiak, irakurraldiak, zine eta musikagaz lotutako saioak... programa zabala dago, gustu guztietarako aukerak. Mundu mailako izen handi asko hurreratuko dira Bilbora egunotan, honezkero sendotuta dagoan ekitaldirako.

Esatekoak 0
Ikusita: 335